راندي وايدج و ايفان بورن وتيد ديبياسي معزومين عند ذا ميز

قبل مباراة money in the bank

قبل المباراة بساعات قليلة

فى بيت ذا ميز
اورتن : انا مش مطمن خالص للعزومة دى
ايفان بورن: فعلا ده الميز عمره ما عملها طول عمره بيتعزم بس
ايدج: فى ايه يا جدعان
يعنى هو اللى يعمل معاكم خير و يعزمكم فى بيته..ما يعجبكومش
اورتن: ده ما جاش حتى يسلم علينا فى بيته
ايدج: الصبر يا شباب
ايفان برون: ده احنا جايين هنا بقالنا خمس ساعات
و ما قلناش حتى سلامو عليكم

ذا ميز: ثوانى يا جدعان باجهز العشا و جاى

تيد ديبياسى : استرها يا رب معانا فى العشا ده اللى بقاله 5 ساعات بيحضره

ذا ميز من المطبخ: طب هو مين تانى لسة ما جاش

ايفان برون: لسة جيركو و موريسون و مارك...
ايدج: اسكت ده لو عرف ان هنرى جاى هليلغى العزومة
اورتن: طب و بعدين ده انا عازمه بنفسى
ايدج: طب خلاص خلاص
هنبقى نقعده بره فى الجنينة و نبقى نسربله شوية اكل
ايفان بورن: على اساس انه قطه سيامى مش كدة
ايدج: ها ها ها
ما تخف شوية ياض
انت ما شفتش الميز عمل فى ايه
ده دلق عليه صندوق الزبالة كله
اورتن: و انت حد قالك ان مارك هيسيبه
ده لو جه هنا هيقلب السفرة على دماغ الميز
ايدج: طب دلوقتى المهم
عرفتوا خطة جيركو علشان يستولى على الشنطة
المصارعين كلهم فى صوت واحد: ايه؟
ايدج: انا عرفت من مارك هنرى امبارح انه راح مدرسة لتعليم السحر
و قاله انه هيعمل تعويذة عالشنطة بحيث انه هو اللى يكسبها
اورتن: يا ايدج هتلاقيه بيحور علينا بس
هو اخره اصلا يقرا قصص هارى بوتر
الميز: لما نشوف
اتفضلوا الاكل اهو

*****
و يعد المصارعين كلهم علشان يكلوا
الميز: تصدقوا يا جدعان انا مش محتاج الشنطة دى فحاجة خالص
ايدج : يا رااجل انت مش كان عليك قرض فالبنك و عاوز تسدده
الميز: اسكت مش ابويا شالها و اتسجن خلاص
ايدج: ازاى ييعنى
الميز: مفيش انا زورت الاسامى اللى متسجل عليها القرض و كتبت عليها اسامى ابويا
حتى لو مش مصدقنى روح اسأل ابويا فالسجن
ايدج: و نعم الابن البار
انا مرة زمان لما كنت فى تانية ثانوى سرقت طمانجة ظابط و طلعت اجرى بيها لغاية لما روحت لبابا و حتطها فى بنطالونه
و لما سالنى ايه ده يا ايدج
قلت له: ده مسدس مايه يا بابا جبتهولك علشان نلعب بيه فى الصيف
الميز: و بعدين
ايدج: مفيش..روحت بلغت عليه الظابط و قلت له ان الراجل ده هو اللى اجبرنى انى اسرقك
و قالى انى لو مسرقتش الطمنجه بتاعتك هيكوينى بالنار
الميز: و ابوك ايه اللى حصله؟
ايدج: بعديها بيومين اتقبض عليه و اخد تابيده
الميز: ما شاء الله عليك
ده انت طلعت بار اكتر منى
تصدق هما مايستهلوش غير كدة فعلا
اورتن: في ايه يا مجنون انت و هو
بر ايه؟
ايفان بورن: يلا بينا يا اورتن نمشى
دول باين عليهم اجننوا خلاص
يلا بينا قبل ما العدوى تجيلنا
و يتجه ايفان بورن و اورتن ناحية الباب علشان يخرجوا
و اول ما يفتحوا الباب
مارك هنرى: رايح فين يا انت و هو انا سامعكم و انتوا بتتعشوا
فين نصيبى
اورتن:صدقنى احنا ما ذقنا الاكل
مارك هنرى: على مين يا ابو اورتن
ده انا مراقبكم مالصبح
و انت يا ايدج كنت عاوزنى اكل فى الجنينة
ايدج: صدقنى صدقنى انا ما كنت اقصدك انت
مارك هنرى : بتقول ايه
ايدج: ده انا كنت اقصد الواد السيس مارك اللى كان بيلعب معايا بلى فى الحضانة
مارك هنرى : و كمان بلى طب تعالا
و يشيله مارك و ياخده وورلد سترونجست سلام عالترابيزة
مارك هنرى: تعالالى هنا يا ميز
الميز : لا وحياة ابوك
و يطلع يجرى بره الشقة مع اورتن و بورن و يسيبوا مارك و هو هايج لوحده و ايدج مرمى على الارض
و بعد ساعات تبدأ المباراة

ههههههههههههههههههههههههههههههه والله قصه مضحكه مشكور هههههههه

شكرا على المرور

ههههههه مشكوووور

العفو

ههههههههههههه مشككور

العفو